وسائل إيضاح لشرح القداس الالهي

+ لتنزيل عرض باوربوينت بالصور، إدخل هنا.

+ شاهد فيلم القداس التعليمي (كارتون) بصوت أبونا داوود لمعي. 

+ مجموعة من الصور تشرح طقس القداس و رموزه، وتصلح للتلوين أو لتصميم نشاط تفاعلي عن موضوع القداس.  

فيلم القداس التعليمى - ابونا دواود لمعى - للاطفال

تحميل الفيلم - كامل من هنا.

خمن القصة

فكرة تصلح كمقدمة لدروس مدارس الأحد.

ابحث عن فيديو يعرض القصة من موقع youtube.com، و اعرضها بدون الصوت. 

إدع الأولاد لتخمين الشخصيات و القصة... و بعدها اعرض الفيديو ثانية مع التعليق عليه، أو قم بقراءة القصة من الكتاب المقدس.

مثال لدرس عن القيامة و الصعود: استخدم هذا الفيديو بدون الصوت:

حائط facebook

فيديو مبتكر ذو مغزى روحي، وصلنا ضمن إقتراحتكم للخدمة. يصلحلسن اعدادي وثانوي وجامعيين.

اسكتش من مصر دعوت ابني (للاطفال)

عمل يدوي: مشابك بشكل زهور

أنظر الطريقة و الأدوات المستخدمة على هذا الموقع. يعرض الموقع أيضا عدد من الأستخدامات لها.

شاهد أيضا الأفكار المعروضة هنا.

ممكن تستخدم الفوم - قطع قماش قديمة -شرايط ستان - ورق ملون او حتى تخلى الاولاد يلونوا المشابك نفسها بالوان المياه -و ممكن

 كمان تستعمل الخرز او الترتر -حاول توظف الامكانيات البسيطة المتاحة لديك و تبتكر على حسب امكانياتك

اعمال فنية بالزراير

تصلح لجميع الاعمار -يمكن التطوير فى الفكرة بأن يركب بها خيط فتصبح علاقة للموبايل -يلصق بظهرها مغناطيس و تعلق على


 الدواليب او الثلاجة -يتم تركيبها على الشنط أو التيشيرتات السادة لتجديد شكلها و الباقى متروك لأبتكارك

أدخل على هذا الموقع لتشاهد كثير من الأفكار باستخدام الأزرار.

ثمار الروح القدس

+ ممكن نكبرها ونفرغ منها الثمار والاطفال يحطوها فى اماكنها تانى كنشاط وحفظ للثمار

+ ممكن كمان نعمل صور الثمار من غير الكلام ويكون الكلام من ورا ونطلع كذا ولد كل واحد يختار ثمره ويشوفو وراها ايه وممكن كمان يكون فيه هديه مناسبه لكل ثمره زي السلام مثلا شكل حمامه والمحبه قلب ...... وكده بحيث انهم يفتكروا المعني بالصوره اللي بتوضح المعني

٦ خطوات لمحاربة الشهوة

اتجنب أي موقف أو مكان ممكن يكون سبب للعثرة... (٢ تي ٢: ٢٢) 

أرفض أي فكر رديء في ثانية واحدة ...  (يعقوب ٤: ٧)

اتحرك من مكانك و إشغل نفسك بحاجة تانية 

اتحول من فكر الشر للتركيز على شخص الهنا ... (عبرنين ٣: ١)

اتمسك بوعود ربنا و اثبت فيها بشدة ... (متى ١١: ١٢) 

إستمتع بفرح المسيح و حبه الغير محدود ... (مزمور ٩٠: ١٤) 

+ إحفظ الخمس كلمات المكتوبين بالاخضر، علشان تفكر نفسك دايما بالخطوات اللي المفروض تاخدها

(الفكرة مأخوذة بتصرف من المقال ده) 

موزاييك الورق

الهدف: نشاط فني ممكن تطبيقه بصور مختلفة، وعلى دروس كتيرة.

الخامات:

- ورق ملون أو قص و لصق أو مجلات وإعلانات ملونة (مستغني عنها)

- مقص 

- لصق 

- ورق أو كرتون لخلفية الموزاييك

الخطوات:

- ارسم حدود رسمتك بقلم رصاص على الخلفية، من غير تلوين أو تظليل

- قص ورق بالالوان اللي إنت عايزها لقطع كتيرة صغيرة (مربعات و مثلثات مثلا، طول ضلعها ما بين 1/2 سم و 2 سم حسب رسمتك)

- الصق الورق بالشكل اللي إنت عايزه علشان تملا بيه الصورة

- ممكن تختار انك تسيب مسافات صغيرة بين القطع عشان تدي شكل أجزاء الموزاييك 

أفكار متنوعة لموزاييك الورق:

+ جرب تنفذ الموزاييك على طبق ورق، و ثبت فيه شريطة للتعليق 

+ جرب تنفذ الموزاييك على كوباية ورق، واستخدمها كمقلمة 

+ إستخدم صور التلوين لدرس معين، و لون الصورة أو جزء منها بطريقة الموزاييك (محتاج صور بسيطة علشان تنفع مع الأسلوب دة). يعني مثلا ممكن تجيب صورة الفتية في الأتون و تقص ورق أصفر و أحمر و برتقالي علشان الأولاد يلزقوه على النار. ممكن صورة العليقة المشتعلة بنفس الطريقة. ممكن كمان تلون بحرأو شجرة أو جبل  بنفس الطريقة، إلخ.

الصورة الكاملة

الهدف: ساعات مش بنكون شايفين الصورة كاملة و مش قادرين نفهم حكمة ربنا من اللي بيحصل، لكن ربنا شايف الصورة الكبيرة و بيعمل في كل الأشياء للخير.

للتحضير:

+ إختر صورة تلوين بالارقام (إختر صورة من هذه الصفحة)
+ قم برسم حدود تقسيمها مثل بازل، عدد قطع البازل بعدد الأولاد.
+ أنظر داخل كل قطعة من قطع البازل، و تأكد من وجود رقم داخل كل جزء منها - إكتب الأرقام الناقصة.

+ (إختياري: يمكنك ترقيم قطع البازل من الخلف للتسهيل)

+ قص قطع البازل.

النشاط:

+ يحصل كل مخدوم على قطعة من قطع البازل.

+ يقوم الخادم بتوفير الألوان، وكتابة دليل الألوان على لوحة أو سبورة في الفصل (مثال: 1= أحمر، 2 = أزرق، إلخ)

+ المطلوب من كل مخدوم تلوين القطعة الخاصة به حسب دليل الألوان.
+ أخيرا تجمع الصورة و تبدأ المناقشة

اسئلة للمناقشة:
+ إيه كان شعورك أثناء تلوينك لقطعة البازل؟ (مش فاهم أنا باعمل إيه، مش عارف إيه الصورة في الأخر، يمكن كان نفسك تلون بمزاجك، إلخ)
+ امتى وضحت الصورة؟ - ركز على دور كل واحد في الأولاد

- في حياتنا كتير بنتعرض لمواقف مش بنفهم المغزى منها: تجارب صعبة، مواقف مش مفهومة، مواقف بتوصلنا ساعات إننا نتساءل "إلى متى يا رب تنساني؟"
- كن متأكد إن ربنا بيشتغل  في كل حاجة للخير... "كل الأشياء تعمل مع للخير للذين يحبون الله.." ... "كل الأشياء" مش الحاجات الحلوة  بس ولا المواقف المفرحة بس.
-  مهم جدا في الوقت اللي أنا مش فاهم فيه اني أكون مطيع لكلمة ربنا، و أعمل دوري الصغير في خطة ربنا الكبيرة. دوري اني أكون نور للعالم وشاهد للمسيح (باعمالي قبل كلامي) مهما كانت الظروف.

القديس بولس الرسول: مجموعة أفكار

كل سنة و انتم طيبين. بمناسبة صوم الرسل، جمعنا أفكار من الموقع تنفع لتعريف الأعمار المختلفة بشخصية بولس الرسول. إدخل على اللينكات علشان تعرف عن الأفكار دي أكتر. و لو عندك أفكار كمان، يا ريت تشاركها معانا. 

+ هنا  فيه عرض باوربوينت و صور عن حياة القديس بولس الرسول، و فيه تفاسير سفر الأعمال علشان تستخدمها كمرجع في تحضير درسك, أو إقرأ عن حياته من موقع st-takla. ممكن كمان تستخدمالفكرة دي لو هاتعمل درس كتاب عن حياته و تركز على صفات معينة في شخصيته.


+ كنشاط تطبيقي على دراستك لشخصية القديس بولس، ممكن تخلي الأولاد يكتبوا له زي رسالة. 

+ لو درسك بيركز على نقطة التحول في حياة بولس، و احتياجه للمساعدة، ممكن تجرب لعبة "احتاج للمساعدة". 

+ لدرس عن رحلات بولس الرسول التبشيرية، إدخل على أطلس الكتاب المقدس، و حاول تطبق الفكرة دي كوسيلة إيضاح.

+ أما لو عايز تحفظ الأولاد أسماء رسائل بولس الرسول، جرب الأفكار دي. 

+ ممكن كمان تدرس شخصيتين بطرس و بولس. اعمل مقارنة ما بين الشخصيتين، و ممكن تستخدم للمقارنة مخطط فيين.  

+ أما بقى بالنسبة للاطفال، فعندنا أفكار تنفع وسائل إيضاح و أعمال يدوية. دي فكرة لقصة هروب بولس الرسول من دمشق،  و أدي فكرة كمان لعمل سلة من الورق. أما  هنا  بقى ففيه فكرة بسيطة لعمل وسيلة إيضاح (أو عمل يدوي) عبارة عن سلاسل وقيود لدرس عن القديس بولس الرسول و هو في السجن. ممكن كمان تعمل من صور التلوين وسائل إيضاح و أنشطة، باستخدام الأفكار دي. 

+ فيه أفكار كتير في المدونة لعرض درس عن شخصية كتابية منها فكرة البرنامج دة، تنفع بالاكتر لابتدائي مرحلة تانية، و ممكن إعدادي. فيه كمان فكرة إنفعالات ودي تنفع للسن الأصغر. 

يا بختكم

شاهد فيديو جميل عن التطويبات من على موقع Youtube.

٤ ألعاب حركية للاطفال

أجمد لعبة

تناسب اللعب بالخارج
تفضل لعب هذه اللعبة بالخارج او في مكان واسع صاحب الحفلة هو المسؤول عن تجميد الآخرين و هو المسؤول عن تجميد الضيوف فهو يحاول لمس الآخرين و الشخص الذي يلمسه عليه ان يجمد دون اي حركة و الآخرين الغير مجمدين عليهم إنقاذ المجمدين بلمسهم و اللاعب الذي يجمد أول 3 مرات يصبح هو المسؤول عن التجميد
----------------------------------------
من غير حراكهل يستطيع الاطفال الثبات على حركة واحدة هذة اللعبة ترد على هذا السؤال
ادر الأناشيد و كل اللاعبين يدورون طالما الأناشيد مفتوحة و عندما تتوقف الأناشيد على اللاعبين الوقوف دون اي حركة و اللاعب الذي يتحرك يخرج من اللعبه و هكذا ادر الأناشيد مرة اخرى و اعد اللعبة و الفائز من يبقى اخيرا
----------------------------------------
كوب الماءهذة اللعبة تعتمد على خفة الحركة للطفل و مدى قدرته على الحفاظ على ما في يدية

احضر كوبين ماء ممتلئين ثم اقسم الاطفال الى فريقين و كل فريق يقف في طابور تعطي الكوب للذي يقف في بداية الصف ثم عليه ان يأخذ دورة كاملة حول الغرفة و كوب الماء في يده حتى يصل الى اللاعب الثاني من فريقه و يعطيه كوب الماء و يقوم اللاعب الجديد بدورة اخرى و هكذا حتى ينتهي ثم في النهاية الفريق الفائز الذي ينتهي قبل الآخر و يكون كوبه فيه ماء اكثر من الثاني طبعأ هذه اللعبة مناسبة للعب خارج البيت
----------------------------------------
يطير أو لا يطير :الاطفال يحبون الطيور و لكن هل يعرفونها؟
اجعل الاطفال يقفون امامك في نصف دائرة ثم تذكر لهم اسماء حيوانات و طيور اذا كان الحيوان يطير يرفعون ايديهم كالاجنحة و يحركونها اما اذا كان لا يطير فتبقى ايديهم ثابته و الذي يخطئ يخرج من اللعبة و الفائز الذي يبقى اخر واحد

قصة لوقت الامتحانات

قصة للناس اللى بتذاكر من صفحة يسوع أحن قلب:

منذ سنوات قليلة فى مدينة القاهرة كان احد الشبان متفوقاً على زملائة طوال سنوات الدراسة وعندما وصل الى الثانوية العامة اصيب بعقدة نفسية شديدة وبينما كان يقرأ كتاباً عن الزعيم سعد زغلول رسخ فى ذهن الشاب القول المشهور لسعد زغلول "مافيش فايدة" لقد ارتفعت درجة القبول بالجامعة قلب وفكر الشاب واخذ يكتب فى كل كتاب عبارة "مافيش فايدة"
لقد كان الشاب يأمل دخول كلية الطب بينما باقى على الامتحانات عدة اسابيع والمستذكر من المواد قليل جداً فأغلق الكتب وامتنع عن المذاكرة طالما انه "مافيش فايدة"
حاول الاب والام معه كثيراً لكنه رفض كل المحاولات لدرجة انه احرق بعض الكتب والقى بالباقى فى الشارع عشان "مافيش فايد"
ذهب الاب والاب الى كنيسة السيدة العذراء فى الزيتون وامام الاب الكاهن اخذا يبكيان الم يقل الكتاب " الابن الجاهل غم لأبية ومرارة للتى ولدته "
وقال ان ابننا قد اصابه الجنون يا ابانا لقد احرق كتب الثانوية العامة واصبح يعتبر المذاكرة نوع من العبث الضار
ذهب الاب الكاهن الى منزل الشاب وجلس معة على انفراد وترك الكلام عن المذاكرة الى اخر الجلسة وقرب نهاية الزيارة قال ابونا للشاب :
- كم ساعة بتذاكر فى اليوم
- فأجاب الشاب بسرعة ولا ساعة
لقد اغلقت الكتب الى غير رجعة ولست نادماً لقد قال سعد زغلول "مافيش فايدة"
- فقال له ابونا نعم يا ابنى ولكن بولس الرسول قال " أستطيع كل شئ فلا المسيح الذى يقوينى "
ثم وجهة ابونا هذا السؤال للشاب
إفرض انك رجعت للمذاكرة وبجدية .. كم فى المائة تظن انه يمكن الحصول عليها ؟؟
- اجاب الشاب اقصى نتيجة 60%
- فقال له ابونا ان كان فى امكانك انت بضعفك البشري ان تحصل على 60% فهل لا يستطيع السيد المسيح بقدراته الالهية ان يعطيك 30% فقط
- قال الشاب يقدر ولكن من يضمن لى ؟
- قال له ابونا انا اضع اسمك امام مذبح السيدة العذراء . ذاكر انت بس وهات 60% وانا هصلي عشان ربنا يديك ال 30%
وهنا ضحك الشاب لأول مرة بعد 3 شهور من الاكتئاب النفسي ومسحت هذه الضحكة كل ما فى قلبة من هموم حتى كلمة "مافيش فايدة" اتمسحت
وبعد ايام قليله اسرع والد الشاب وقال لابونا اننا نكاد نجن لقد رجع ابننا الى المذاكرة ويسهر لساعات متأخرة من الييل فرد ابونا وقالهم : سيبوه لقد عقد اتفاقاً مع السيد المسيح ستعرفونه فيما بعد
وتمر الايام والشاب خايف على كل دقيقة عشان يجيب ال 60% اللى علية
وفعلا كما وعدة السيد المسيح وكما وعدة الاب الكاهن عند ظهور النتيجة الشاب جاب اكتر من 90% ودخل كلية الطب فعلاً
واصبح شعاره " أستطيع كل شئ فى المسيح الذى يقوينى " فى 12:4

ذاكر وهات اللى عليك وسيب الباقى على ربنا .... بس اعمل اللى عليك
ربنا معانا كلنا ومع كل اللى بيمتحنوا

٣ مسابقات سريعة

الأدوات المطلوبة: ورق و أقلام 

عدد اللاعبين: ٢ أو أكثر، يمكن اللعب كأفراد أو مجموعات 

أ إلى ي 

+ يحصل كل لاعب على ورقة بها الحروف الأبجدية من أ إلى ي، أو يقوم كل لاعب بتجهيزها بنفسه قبل بدء اللعبة 

+ يعلن الخادم عن موضوع/عنوان مثل "في الكنيسة" أو "شخصيات الكتاب المقدس" أو "قديسين" أو "فضائل"

+ عند إشارة البدء، يبدأ كل لاعب في كتابة كلمة على كل حرف من الحروف الأبجدية تتوافق مع العنوان أو الموضوع المختار   

(مثال على "في الكنيسة": أ-أيقونة، ب-بدرشين ، ت-تونية، إلخ)

+ يحصل اللاعبين على ١٠ دقائق، ثم تعلن إشارة النهاية 

+ يسأل الخادم عن صاحب أكبر عدد من الكلمات ثم تقرأ كلماته بصوت عالي للتحكيم (يقرر الخدام :هل تتوافق مع العنوان أم لا؟)

+ الفائز هو صاحب أكبر عدد من الكلمات المتوافقة مع الموضوع/العنوان 

أتوبيس كومبليه - من الكتاب المقدس 

+ يحصل كل لاعب على جدول مكتوب كالتالي، أو يقوم بتجهيزه بنفسه قبل بدء اللعبة:

+ يختار الخادم حرف من الحروف الأبجدية ثم يعطي إشارة البدء 

+ يملأ اللاعب جميع خانات الجدول بكلمات تبدأ بالحرف المطلوب 

+ متى إنتهى أحد اللاعبين من ملء الجدول يصيح "أتوبيس كومبليه" ليتوقف جميع اللاعبين عن الكتابة 

+ تقوم بحساب النقاط كالتالي، و جمع النقاط في خانة المجموع:

٥ نقاط لكل كلمة مكررة - أي كلمة إستخدمها أكثر من لاعب، فمثلا إذا إختار إثنين أو أكثر من اللاعبين "مصر" في المكان، يحصل كل منهما على ٥ نقاط لهذه الكلمة

١٠ نقاط لكل كلمة غير مكررة

٢٠ نقطة إذا كان اللاعب هو الوحيد الذي إستطاع ملء خانة معينة، بينما لم يجد أي من اللاعبين الأخرين كلمة لملئها
+ يبدأ دور جديد بحرف أخر من الأبجدية
+ في النهاية تجمع كافة النقاط لمعرفة الفائز

كم كلمة؟

+ يختار الخادم كلمة طويلة و يكتبها للاعبين(أمثلة: إفخارستيا، القسطنطينية، دقليديانوس، إلخ)

+ عند إشارة البدء، المطلوب من اللاعبين كتابة أكبر عدد من الكلمات يمكنهم تكوينها من حروف هذه الكلمة (أمثلة من كلمة "إفخارستيا": فخر، ستر، سر، فخ، ايات، إلخ)

من وحي الثورة

الانجيل و الموبايل: اسكتش

 الشخصيات : موبيل, كتاب مقدس , نانسي

تتظاهر نانسي بإرتداء ملابسها وتسريح شعرها والنظر في المرآه إستعدادا للخروج

وبعدخروجها يدور الحوار الاتي بين الموبيل والكتاب المقدس

الموبيل : يا خبر نانسي نسيت تخدني معاها أكيدهي زعلانةجدا

الكتاب : أما انا فنانسي نسياني علطول وما اعتقدش ان دا فارق معاها

الموبيل :ا صلي انا باعرفها اخبار اصحابها وصحباتها

الكتاب : وانا باعرفاها اخبارحياتها وابديتها

الموبيل : وكمان بتجيلها رسايل كتير من زميلاها

الكتاب : وانا بوصلها رسايل من الهها وخالقها

الموبيل : عارفين (ينظر للجمهور) نانسي بتتباها بي قدام صحباتها لأني غالي جدا واحدث موديل

الكتاب : لا .. اعتقد ان نانسي بتتكسف تتكلم عني مع اني ماتقدرش بمال

الموبيل: انا نانسي علطول حطاني في جيبها وكمان ماسكاني في ايدها علطول

الكتاب : يا ريتها بتعمل معاي كده ماكنش دا بقي حالها انا يا دوب تفتكرني لما تكون فيه مسابقة اتزنقت في اية

الموبيل : انا متأكد اني غالي جدا عليها

الكتاب : مش قادر احدد قيمتي عندها

الموبيل : لما تفتحني بتلاقي يوههههههههه حاجات ومحتاجات ايش نت وايش مزنجر 

الكتاب : اما انا لو فتحتني هتلاقي خلاصها وحياتها هي مش عارفه ان من غيري مش ممكن هتقدر تعيش ولا تخدم ولا تفرح لاني انا البوصلة انا الكتالوج الالهي علشان الناس تعيش عيشة افضل

الكتاب ( يوجه كلامه للجمهور) 

ياللي الدنيا واخدك ومش عارف شمالك من يمينك تصحي الصبح وتبتدي تلف وتلف من غير ما تفكر انت مين وعايز ايه وايه الهدف من عيشتك

لا لا يا صاحبي مش هي دي الحياة اللي ربنا عملك علشانها استني شويه وفكر ارجع لالهك ارجع لكتابك كتالوجك اللي مش ممكن هيغشك ولا يضلك لكن هيرشدك ويعلمك وينصحك ويحفظك من الخطية

خبأت كلامك في قلبي لكيلا اخطئ اليك " مزمور 119

خليك بطاطساية

هو إحنا بنصوم ليه؟

(الفيديو شارك بارساله خدام اجتماع شباب كنيسة الانبا انطونيوس و الانبا بيشوى بالاسكندرية) 

المسيح حياتنا

لينك موضوع المسيح حياتنا من منهج مهرجان الكرازة للمرحلة الإعدادية على فايل باوربوينت
ممكن يتعرض على البروجيكتور وممكن كمان الأولاد والبنات ياخدوه على فلاشة عندهم على الكمبيوتر

صوت الروح القدس

المفلوج: وسيلة إيضاح

ممكن تطبع صور اشخاص من على جوجل وتلزقهم على ورق كرتون وتعمل سرير من طبق الفل وتكمل الشخصيات كلها وتجسم منظر البيت بكرتونه شيبسى مثلا وتفتح الناحيه اللى هتكون من ناحيه الاولاد وتنزل السرير من فوق وتكون عامل بخيط سناره والمفلوج كمان تكون عامله خيط سناره فيه واول ما تقول ان المسيح امر بشفائه تشد الخيط لفوق فيبان انه قام من عى السرير

فيلم ايوب البار

الانسان المسيحي و السلطات

يطالبنا الكتاب المقدس بالخضوع للسلطات و عدم مقاومة السلاطين... فما معنى هذه الأيات؟ و هل للانسان المسيحي أن يعترض على الحكام أو يطلب تغييرهم؟

قراءات تجيب على هذه التساؤلات:

+ نبذة بعنوان "اسئلة حول الطاعة للسلطات و رفض الفساد" بقلم ابونا تادرس يعقوب ملطي 

+ مقال بعنوان "علاقة الانسان المسيحي بالسلطة" بقلم أبونا بنيامين مرجان 

الحواس الخمسة

وسيلة إيضاح:

ممكن تكبر الحواس يعنى " العين واليد والاذن والفم والانف " وتعمل فيها عصاية ومن خلف ستارة واعمل بها اسكتش

لعبة:

ممكن لعبة عبارة عن كرتونة البيض ممكن تحط في كل فاتحة منها صورة لحاجة من الحواس والأولاد تستخدم عملة معدنية علشان ينشنوا ع الحواس
والحاسة اللي المخدوم ينشن عليها يقول حاجة حلوة نعملها بالحاسة دي وحاجة وحشة مانعملهاش بيها
زي مثلا اللسان نسبح بيه ربنا ..مش نشتم بيه

ترنيمة:

خلي بالك يا عيني شايفة ايه

إشباع الجموع

وسائل إيضاح:

فكرة ١: 

ممكن ترسم على ورق كرتون ملون الخمس خبزات بس تكون ملزقهم مع بعض وتكون راسم اكتر من الخمس خبزات بس مخبيهم وراهم واول ماتقول ان ربنا بارك فى الخمس خبزات تفرد الورق كله فيبان ان الخبز اصبح كتير (تكونى عاملها زى العقد كله ملزوق فى بعض ومش موضح غير الخمس خبزات بس فى الاول ) وكذلك فى السمك.

فكرة ٢: 

مثل انك وصلتك رسالة من ولد صغير قد الأولاد، محتار في موقف و مش عارف يعمل إيه: (إدي خلفية القصة) مامته إديتله ٥ خبزات و سمكتين الصبح، و دة كل الأكل اللي معاه. جم التلاميذ بيقولوله إن بابا يسوع عايزهم منه... يا ترى يدي كل الأكل بتاعه لبابا يسوع و لا لأ؟

فكرة ٣:

فيلم كرتون عن معجزة إشباع الجموع 

فكرة ٤:

٥ صفحات كل واحدة عليها صورة ٢٠٠ وش ... ابتدي اسألهم: تفتكروا دول كام واحد؟ طيب تخيلوا كدا لو عايزين نجيب أكل لكل الناس دي، هانحتاج أد إيه؟ يعني مثلا لو ماما عاملة عزومة فيها ... شخص، وعايزة تعملهم سمك، هاتجيب كام سمكة؟ طيب لو أكتر... و زود الرقم لغاية ٥٠٠٠ علشان الأولاد يفهموا إن دة رقم كبير قوي و محتاج أكل كتير جدا، و بعدين ابتدي احكي القصة

ترنيمة:

زي طفل جميل وصغير 

البيضة و الزجاجة: لعبة شيقة

هدف الفكرة: مدخل لمناقشة عنوانها ما فيش مستحيل!

الادوات 
انت فى حاجة الى بيضة مسلوقة مقشرة
وعاء زجاجى بفوهة اقل من حجم البيضة 
اعواد ثقاب
قطع من الورق


الخطوات 
ضع البيضة على فوهة الزجاجة و ناقش المخدومين فى كيفية ادخال البيضة
و فى النهاية المخدومين مش هيلاقوا لها حل
قم انت بوضع قصاصات الورق داخل الزجاجة و عود ثقاب مشتعل فى الزجاجة ستجد البيضة تنزلق بسهولة

المصدر: منتدي ذهبي الفم 

طريقة صنع العرائس من الأكياس الورقية

تحتاج إلى: كيس ورقي (يمكن إستخدام الكيس الورقية البنية أو أكياس الهدايا بلون واحد)، أوراق ملونة، مقص، لصق، ألوان 

1) قم بطباعة الشكل الذي تريده على ورق ملون (أو على ورق أبيض، ثم قم بتلوينه)

2) الصق الجزء الأعلى من الوجه على قاع الكيس، و الجزء الأسفل على جسم الكيس، بحيث يمكنك تدخيل يدك دخل الكيس لتحريك فم العروسة (يفتح ويغلق)

3) قم باضافة أجزاء الجسم إذا توافرت. أيضا يمكنك تزين العروسة بخامات من اختيارك (ريش، خيوط صوف، جليتر، شرائط ملونة، إلخ)

4) استخدمها كوسيلة إيضاح في درسك، أو كعمل يدوي يقوم الأطفال بتلوينه وتزيينه  بأنفسهم
(شاهد فيديو طريقة عمل العروسة)

للطباعة، إضغط على الشكل الذي تريده من القائمة التالية.. تأخذك اللينكات إلى مواقع أخرى:

حمار 

أرنب 

خنزير 

ثعلب 

دب 

فيل: ١ ٢ 

صقر ١ ٢ 

غراب (لا يوجد نموذج، ولكنه مصنوع من أشكال هندسية بسيطة) 

أشكال أخرى (مع وجود النماذج)

لمزيد من الأفكار للأشكال، أدخل هنا.

فكرة: لا يشترط عمل العروسة على شكل حيوان، بل يمكن إستخدام نفس الفكرة لعمل عرائس متنوعة:

صندل لدرس مارمرقس، قلب لدرس هدفه المحبة، نجم لدرس الميلاد، ملاك لكثير من الدروس، بلحة لدرس النيروز أو ثمرة لدرس عن ثمار الروح القدس، شجرة لدرس زكا، إلخ

الملك و زوجاته الأربعة

يذكر ان ملك كان متزوج من اربع نساء وكان يحب  الرابعة حبا جنونيا ويعمل كل ما في وسعه لإرضائها....
أما الثالثة فكان يحبها أيضا ولكنه يشعر أنها قد تتركه من أجل شخص آخر...
الثانية كانت هي من يلجأ إليها عند الشدائد وكانت دائما تستمع إليه وتتواجد عند الضيق....
أما الزوجة الأولى فكان يهملها ولا يرعاها ولا يؤتيها حقها مع أنها كانت تحبه كثيرا وكان لها دور كبير في الحفاظ على مملكته.

مرض الملك وشعر باقتراب أجله ففكر وقال : أنا الآن لدي 4 زوجات ولا أريد أن أذهب إلى القبر وحديا 
فسأل زوجته الرابعة: أحببتك أكثر من باقي زوجاتي ولبيت كل رغباتك وطلباتك فهل ترضين أن تأتي معي لتؤنسيني في قبري ؟
فقالت: (مستحيل) وانصرفت فورا بدون إبداء أي تعاطف مع الملك.

فأحضر زوجته الثالثة وقال لها :أحببتك طيلة حياتي فهل ترافقيني في قبري؟ فقالت بالطبع لا الحياة جميلة وعند موتك سأذهب وأتزوج من غيرك

فأحضرالزوجة الثانية وقال لها : كنت دائما ألجأ إليك عند الضيق وطالما ضحيت من أجلي وساعدتيني فهلا ترافقيني في قبري ؟

فقالت: سامحني لا أستطيع تلبية طلبك ولكن أكثر ما أستطيع فعله هو أن أوصلك إلى قبرك .. حزن الملك حزنا شديدا على جحود هؤلاء الزوجات 

وإذا بصوت يأتي من بعيد ويقول: أنا أرافقك في قبرك... أنا سأكون معك أينما تذهب..
فنظر الملك فإذا بزوجته الأولى وهي في حالة هزيلة ضعيفة مريضة بسبب إهمال زوجها لها فندم الملك على سوء رعايته لها في حياته 
وقال: كان ينبغي لي أن أعتني بك أكثر من الباقين ولو عاد بي الزمان لكنت أنت أكثر من أهتم به من زوجاتي الأربعة
....
....

في الحقيقة أحبائي كلنا لدينا أربع زوجات

الرابعة: الجسد: مهما اعتنينا بأجسادنا وأشبعنا شهواتنا 
فستتركنا الأجساد فورا عند الموت 

الثالثة: الأموال والممتلكات :
عند موتنا ستتركنا وتذهب لأشخاص آخرين

الثانية هي الأهل والأ صدقاء :
مهما بلغت تضحياتهم لنا في حياتنا فلا نتوقع منهم أكثر من إيصالنا للقبور عند موتنا 


الأولى: العمل الصالح :
ننشغل عن تغذيته والاعتناء به على حساب شهواتنا وأموالنا وأصدقائنا مع أن اعمالنا هي الوحيدة التي ستكون معنا في قبورنا ....
....
يا ترى إذا تمثل عملك لك اليوم على هيئة إنسان ...كيف سيكون شكله وهيئته ؟؟؟...هزيل ضعيف مهمل ؟ أم قوي مدرب معتنى به؟

شجع الأولاد على الإنتظام

فكرة ١:

ممكن تجيب صورة مثلا للسيد المسيح وتقطعها على عددهم وكل واحد يبقى معاه جزء فلازم يجى كل اسبوع يحط الجزء بتاعه فى مكانه علشان كدة وجودة مهم انه لازم يكمل الصورة من غيرة هنبقى مفتقدين جزء مننا كمجموعه واحدة.

فكرة ٢:

 ممكن تعملهم صور على شكل عمله وبعدين كل مده تفتحلهم سوبر ماركت ومكتبه واداوت وتبعلهم ... يعني مثلا الشكولاته بصورتين

الكتاب المقدس ب14 صوره وكل ما ييجوا ويحضروا اكتر ويحضروا القدسات ويجاوبوا ويقعدوا ساكتين تديهم صور اكتر

فقرة إعلانية

فقرة ترفيهية تشجع على الابتكار، تصلح للتسابق بين المجموعات في المؤتمرات.

اللعبة عبارة عن انى هقسم الموجودين إلى مجموعات و هادى لكل مجموعة سلعة ( علبة زبادى - معجون اسنان - ايس كريم ... )  تعمل عنها اعلان بالتمثيل بشرط انه يكون فى خلال دقيقتين و توزع الدرجات بحسب تقيم كل مجموعة

كيف ندرس سير القديسين ؟

+ نعرفه أن القديس هو إنسان احب اله , و اخلص و قد تفوق روحيا في جانب معين مثل الطاعة – حب الاخرين – الخدمة – الصلاة – التوبة ........... الخ
+ عندما نحكى للطفل سيرة القديس نركز على :
1- انه انسان مثلنا ( طفل و شاب و رجل , و له عائلته و كنيسته و اصدقاؤه , و له ايضا معاناته و جهاده و نموه )
2- انه احب المسيح . كيف عبر عن هذا الحب ؟ و كيف اظهره من خلال اعماله المختلفة ؟
3- سلوكه كإنسان مسيحى احب المسيح
+ نلاحظ عند ذكر المعجزات عدم التركيز على الربط بين حدوث المعجزة و قداسة هذا القديس . بقدر ما يكون التركيز على قوة الله بواسطة القديس , و من اجل خدمة الاخرين و مساعدتهم

::: مناقشة كيف نفذ القديس الوصية ؟! :::
+ القديس نموذج لنا لنسلك كما سلك هو . كيف نسلك بفضائل القديس فى مواقف الحياة المختلفة ؟! . لو كنت مكان القديس كيف تسلك في المواقف التالية : ( إعط مواقف من الحياة للطفل , ليقرر كيف يسلك فيها مستفيدا من سيرة القديس ).

+ تدريب على طلب شفاعة القديس

+ التعبير عن حبنا للقديس بالاتى : 
1- تمجيد القديس
2- الاحتفال بعيد القديس
3- ايقاد شمعة امام ايقونة القديس
4- كتابة خطاب الى القديس في عيده
5- عمل برواز لأيقونة القديس
6- تلوين صورة القديس
7- رسم الطفل لنفسه مع القديس

- منقول عن كتاب درس الطفل - كيف ندرس سير القديسين ؟

التاج لمين؟

الهدف: تمهيد لدرس عن سيرة أحد القديسين


ممكن تعمل تاج شكله حلو يشد الطفال و تسالهم تفتكروا التاج ده لمين...و بعد ما يفكروا شويه تقولهم ان التاج ده بتاع القديس...............و انه اخده بجهاده و حبه لربنا و ان كل واحد فينا له تاج حلو جداااااااااا زي ده مستنينا في السما لو حبنا ربنا قوي زي ما هو بيحبنا و يا ريت تركز في الدرس علي حلاوة السما و الحياة مع ربنا ............... كل طفل تعطيه تاج في اخر الدرس مكتوب عليه الايه......: "انظروا الي نهاية سيرتهم...."و تقولهم ان تاجهم في السما احلي من ده بكتير

بتحب جيرانك؟

الهدف: عادة ما تكون محبتنا لبعضنا البعض محبة مشروطة أما محبة الله لنا فهي محبة غير مشروطة. كيف نتعلم المحبة من محبة الله لنا؟ 

نقف دايرة و فى حد واقف فى النص يسأل بتحب جيرانك لأى حد و اللى بيتسأل لو قال لا مش بحب جيرانى التنين اللى حوالين اللى بيتسال يبدلوا مكانهم بسرعة واللى بيسال يلحق يقف مكان اى حد منهم واللى مش بيلحق مكان يقف يسأل و لو قال ايوة بحب جيرانى لازم يقول شرط .......... مثلا بحب جيرانى ماعدا اللى لابسين ساعات او اللى فى ايديهم صليب وكل اللى لابس ساعة يلحق يبدل مع حد تانى لابس ساعة واللى بيسال يلحق يقف كمكان اى حد وهكذا وبعد نهاية اللعبة نشرح اننا بنحب الناس دايما بشروط .... لكن ربنا بيحبنا من غير اى شرط

كلمات: عمل يدوي

تحتاج إلى: خيط، سلك

+ قم بقطع السلك بالطول الذي تريده وتشكيله في صورة الكلمة التي تختارها.

+ قم بلف الخيط حتى يغطي الكلمة المكتوبة. عندما تصل لنقطة يتلاقى فيها  جزأين من السلك، قم بلف الخيط حول الجزأين للتثبيت- أدخل على هذا الموقع لمشاهدة الصور التوضيحية.

أفكار متنوعة: 

+ أضف خامات مبتكرة للزينة (إضافة النقاط مثلا)  أو لربط عدة كلمات. أمثلة: خرز، جليتر، إلخ 

+ إستخدم هذه الفكرة كتطبيق على هدف معين لدرس/مؤتمر. إكتب مثلا "لا تخف" أو "الله محبة".

+ إستخدم هذه الفكرة ليكتب المخدومين أسماء بعضهم البعض. يحصل كل مخدوم على إسم شخص أخر ليكتبه و يهديه له.

+ إستخدم الكلمات للزينة (مثال: قم بكتابة ثمار الروح و قم بتعليقها لتزيين المكان)

+ إستخدم الكلمات كجزء من عمل يدوي معين. مثال: قم باستخدامها لتزين برواز أو مقلمة، أو لعمل ميداليات بشكل مبتكر.

Source of the Idea